Ráðist á útvarpsmann Útvarps Sögu
Setja bókamerki
Ráðist var á útvarpsmanninn Guðmund Franklín Jónsson í húsakynnum Útvarps Sögu í dag. Frá þessu var fyrst greint á vef Vísis. Guðmundur var nýkominn úr hljóðveri þar sem hann hafði stýrt þætti um sjávarútvegsmál þegar Eiríkur Stefánsson, fyrrverandi formaður verkalýðsfélagsins á Fáskrúðsfirði, réðist á hann.
Eiríkur hafði á meðan þættinum stóð hringt inn og borið upp spurningar en Guðmundur Franklín tjáði honum að hann væri ekki með opinn símatíma og sleit því símtalinu.
Þegar þættinum lauk var Eiríkur kominn í húsakynni Útvarps Sögu og réðst þá á Guðmund Franklín. Þingmaðurinn Illugi Gunnarsson og Grétar Mar Jónsson, fyrrverandi þingmaður, sem verið höfðu gestir hjá Guðmundi gengu á milli þeirra. Þá tók Eiríkur fartölvu Guðmundar og kastaði henni í gólfið.
„Mér finnst gamla Samfylkingin komin aftur“
Barn lést í árásinni
„Tímabil aukinnar eldvirkni“
„Börn heima sem maður myndi vilja hafa í skjóli“
Þetta eru ráðherrar ríkisstjórnarinnar
Fyrsti blaðamannafundurinn í heild sinni
Lát hjóna í Neskaupstað: Ákæra gefin út
