Vodafone hættir sölu á erótísku myndefni

Vodafone hefur ákveðið að hætta allri sölu á erótísku myndefni í gegnum vefgátt fyrir farsíma, Vodafone live eða Leigunni í sjónvarpi Vodafone.

Segir fyrirtækið að þetta sé gert í framhaldi af snarpri umræðu um sölu á slíku efni og hafi spjótin beinst að Vodafone. Nokkrir viðskiptavinir hafi haft samband við fyrirtækið að undanförnu og látið í ljós vanþóknun sína á að fyrirtækið dreifi slíku efni.

„Vodafone hefur meðtekið þessi skilaboð frá viðskiptavinum og samfélaginu og tekið þá ákvörðun að hætta allri sölu á slíku efni," segir í tilkynningu frá félaginu.

• 3 blogg um fréttina

Bloggað um fréttina

• Kristin stjórnmálasamtök: Vodafone hættir við klámvæðingu!
• Guðlaugur Hermannsson: Það er orðið fátt um fína drætti í þessum GSM …
• Sigurbrandur Jakobsson: Ekki fyrir viðkvæmar sálir