Flokksformenn á fund

Formenn stjórmálaflokkanna hafa verið boðaðir á fund í forsætisráðuneytinu klukkan 17:30 til að fjalla um stöðuna í Icesave-málinu. Ekki er ljóst hvort yfirlýsing verður gefin út að loknum þeim fundi.

Steingrímur J. Sigfússon, fjármálaráðherra, sagði fyrr í dag, að það myndi skýrast á næstu klukkustundum, hvert framhaldið yrði í viðræðum Íslendinga við Breta og Hollendinga um Icesave.

Sagði Steingrímur augljóst að Bretar og Hollendingar hafi samningsvilja í málinu, annars væru viðræðurnar ekki á því stigi, sem þær séu nú. Aðspurður hvort til greina komi að lækka vaxtaprósentuna á lánum vegna Icesave umtalsvert sagðist Steingrímur ekki geta tjáð sig um það á þessari stundu.

Breska blaðið Financial Times sagði í morgun, að Alistair Darling, fjármálaráðherra Bretlands, hefði fallist á að skilmálum Icesave-lánsins til Íslendinga verði breytt og dregið úr þeim vaxtagreiðslum, sem Íslendingar þurfa að standa skil á.

• 1 blogg um fréttina

Bloggað um fréttina

• Jón Rúnar Ipsen: Bara smáhugleiðing