Heimdallur gagnrýnir fíkniefnaleit

Stjórn Heimdallar furðar sig á þeirri mynd sem forvarnastarf í framhaldsskólum er að taka á sig, en einn til tveir framhaldsskólar biðja lögreglu um að gera allsherjar fíkniefnaleit á nemendum á hverju ári. Þetta kemur fram í ályktun stjórn félagsins.

Um þúsund nemendur Tækniskólans urðu þannig fyrir barðinu á þessari nýju forvarnaaðferð í síðustu viku þegar skólanum þeirra var fyrirvaralaust læst um hábjartan dag og lið lögreglu, tollvarða og hunda gerði leit í skólanum að ólöglegum vímuefnum.

Stjórn Heimdallar telur að gengið sé allt of langt í baráttunni við afmarkaðan vanda þegar framhaldsskólar eru farnir að minna á uppeldisstofnanir úr skáldsögunni 1984. Þegar skólayfirvöld grípa til ógnandi og yfirþyrmandi aðgerða af þessu tagi með aðstoð lögreglu bitnar það þegar upp er staðið verst á þeim nemendum sem ekkert hafa til saka unnið," segir í ályktun Heimdallar.

• 2 blogg um fréttina

Bloggað um fréttina

• Kristin stjórnmálasamtök: Góð nýbreytni hjá lögreglunni í Reykjavík: fíkniefnaleit í skóla
• Valgeir Árnason: En, því miður er bara full ástæða til