Bjóða breytilega vexti

Hollendingar eru tilbúnir að bjóða Íslendingum breytilega vexti til að liðka fyrir samningaviðræðum, að því er hollenska ANP-fréttastofan hefur eftir talsmanni Wouter Bos, fjármálaráðherra Hollands. Vitnað er til þeirrar skoðunar Bos að hann sé reiðubúinn að gefa eftir en vilji þó fé upp í kröfuna.

Lægri vextir myndu hafa mikla þýðingu fyrir Ísland að því gefnu að íslenska þjóðarbúið taki á sig Icesave-skuldbindingarnar en vaxtastigið hefur einmitt verið eitt helsta ágreiningsefnið.

Eins og komið hefur fram á vef Morgunblaðsins er allt á suðupunkti í hollenskum stjórnmálum en á þessari stundu reyna stjórnarliðar að framlengja líf stjórnarinnar sem gæti haldið velli þrátt fyrir djúpstæðan ágreining um framhaldið í Afganistan.

Wouter Bos, fjármálaráðherra Hollands. Reuters

• 4 blogg um fréttina

Bloggað um fréttina

• Elís Már Kjartansson: Svaka gott tilboð eða þannig.
• Guðlaugur Hermannsson: Þetta snýst um 10% sem eftir eru, eftir að eignasafnið …
• Sóldís Fjóla Karlsdóttir: Við erum Íslendingar,,,,
• Björn Finnbogason: Framseljum þeim kröfurnar og tökum x % á okkur með …