Ófærð fyrir vestan og norðan

Ófært er í Ísafjarðardjúpi og er beðið með mokstur. Fært er á milli Ísafjarðar og Bolungarvíkur og til Súðavíkur og um Gemlufallsheiði til Þingeyrar og til Suðureyrar. Ófært er um Klettsháls, þungfært er í  Reykhólasveit. Ófært er frá Guðlaugsvík og norður Strandir.  Á sunnanverðum Vestfjörðum eru hálkublettir.

Á Norðurlandi vestra eru hálkublettir, hálka og éljagangur eru á Vatnsskarði og á Þverárfjalli. Snjóþekja er  á Öxnadalsheiði. Ófært er á Siglufjarðarvegi frá Ketilsási í Siglufjörð.

Á Norðurlandi eystra er þungfært á milli Raufarhafnar og Þórshafnar. Þæfingur og skafrenningur eru á Tjörnesi, Ljósavatnsskarði og á Mývatnsöræfum. Sjóþekja, snjókoma eða éljagangur er í öllum Eyjafirði eins í Mývatnssveit og um Melrakkasléttu.

Á Austurlandi  er snjóþekja og éljagangur á fjallvegum en hálkublettir með ströndinni. Vegir á Suðausturlandi eru víðast auðir. Þó eru hálkublettir frá Kirkjubæjarklaustri að Vík. Á Suðurlandi eru vegir auðir. Á Vesturlandi eru víða hálkublettir.

• 1 blogg um fréttina

Bloggað um fréttina

• Haraldur Haraldsson: Ófærð fyrir vestan og norðan!!!!!