Ekki nógu gott fyrir Íslendinga
Setja bókamerki
Allir helstu fjölmiðlar Hollands fjalla um að Icesave-viðræðurnar hafi siglt í strand í Lundúnum í gær við Íslendinga. Haft er eftir talsmanni Jan Kees de Jager, fjármálaráðherra, að jafnvel það besta sem Hollendingar og Bretar gátu boðið Íslendingum sé ekki nógu gott fyrir þá.
Segir í hollensku blöðunum að í tilboði Hollendinga og Breta frá því í síðustu viku hafi falist lágir breytilegir vextir og tveggja ára vaxtalaust tímabil. Þetta hefði þýtt lækkun á greiðslum Íslendinga upp á 450 milljónir evra, 79 milljarða króna, hið minnsta. En samt sem áður neiti Íslendingar.
Hollensku miðlarnir segja að stór hluti Íslendinga vilji ekki endurgreiða Hollendingum og Bretum þar sem fólk telji ósanngjarnt að þjóðin greiði fyrir fall bankanna. Vegna þrýsting þessa fólks hafi forseti Íslands neitað að skrifa undir lögin.
Talsmaður hollenska fjármálaráðherrans segir að hollensk stjórnvöld trúi enn á að Íslendingar endurgreiði lánið.
Traust til kvenleiðtoga fer minnkandi
„Allt í rusli“ við brúargerð á Vestfjörðum
Deilan enn í hnút eftir tveggja vikna verkföll
Nokkrar skriður féllu á Vestfjörðum
Önnur aurskriða við Eyrarhlíð
Komið „meira púður“ í viðræðurnar
Pólverjar horfa í auknum mæli hingað til lands