Vatnstjón í Sunnulækjaskóla

Frambjóðendur Sjálfstæðisflokksins hittust fyrir myndatöku í Sunnulækjaskóla á Selfossi um hádegi í dag. Þegar tveir fóru að skoða sig um gengu þeir inn í kennslurými á  floti og fossaði úr loftlögnum. Vatnstjón er verulegt og óvíst hvort skólastofurnar verða nothæfar eftir helgi.

Að sögn Egils Bjarnasonar var það lán í óláni að frambjóðendur hafa hist í skólanum til myndatöku í dag. Annars hefði líklega lekið framá mánudag. Frambjóðendurnir brettu upp ermar, skrúfuðu fyrir lagnir og kölluðu á slökkviliðið sem kom á staðinn. 

Samkvæmt upplýsingum frá slökkviliðinu er mikið tjón á húsnæði skólans.

• 2 blogg um fréttina

Bloggað um fréttina

• Eyþór Laxdal Arnalds: Prófkjörið þegar búið að skila sínu
• Tómas Ellert Tómasson: Lán í óláni!