Óku undir áhrifum fíkniefna

Þrír ökumenn voru teknir í Reykjavík fyrir að aka undir áhrifum fíkniefna. Þetta voru allt karlar á þrítugsaldri en í bíl eins þeirra fundust jafnframt fíkniefni. Hinir sömu höfðu allir þegar verið sviptir ökuleyfi.

Ellefu ökumenn voru teknir fyrir ölvunarakstur í umdæmi lögreglunnar á höfuðborgarsvæðinu um helgina. Sex voru stöðvaðir á laugardag og fimm á sunnudag. Níu voru teknir í Reykjavík og einn í Kópavogi og Mosfellsbæ. Þetta voru sjö karlmenn á aldrinum 20-50 ára og fjórar konur, 18-29 ára.

Talsvert er um að bílum sé stolið á höfuðborgarsvæðinu, að sögn lögreglunnar, sem ítrekar þau tilmæli til bíleigenda að skilja ekki bílana eftir ólæsta og í gangi.

• 1 blogg um fréttina

Bloggað um fréttina

• Ragnar Kristján Gestsson: Fíkniefni orsaka lögbrot!