Fjöldi skjálfta yfir 2 á Richter

Almannavarnir eru í viðbragðsstöðu vegna hugsanlegs eldgoss í Eyjafjallajökli. Aukin jarðskjálftavirkni hefur verið í jöklinum frá því um áramót og hafa þúsundir skjálfta mælst á seinustu sólarhringum. 

Á vef Veðurstofunnar má sjá að það sem af er degi hafa mælst 23 skjálftar sem eru stærri en 2 á Richter. Öflugustu skjálftarnir hafa mælst 2,9 og 2,8 á Richter. Þeir mældust á 8-10 km dýpi, en grynnstu skjálftarnir hafa verið á 1-3 km dýpi.   

Síðasta gos í Eyjafjallajökli var 1821-1823 og þar á undan árið 1612. Um landnám Íslands er einnig talið að gosið hafi í jöklinum. Gos í Eyjafjallajökli hafa almennt ekki verið hamfaragos, þau byrja rólega en færast svo í aukana. Árin 1994 og 1999 var mikil jarðskjálftavirkni í Eyjafjallajökli og talið að kvikuinnskot hafi verið djúpt í fjallinu, sem ekki náði að komast upp á yfirborðið.

• 1 blogg um fréttina

Bloggað um fréttina

• Helena Mjöll Jóhannsdóttir: Það gæti orðið tveir fyrir einn hjá öllum erlendu fréttamönnunum …