Heldur dregur úr skjálftavirkni

Jarðskjálftavirkni undir Eyjafjallajökli heldur áfram, en þó hefur verið heldur rólegra seinustu klukkutímana að því er kemur fram á vef Veðurstofunnar. Mælst hafa um 20-30 skjálftar á klukkutíma síðan kl. 9:30, en enginn þeirra hefur náð stærðinni 2.

Hátt á þriðja þúsund skjálftar hafa mælst frá því á miðvikudag og hafa stærstu skjálftarnir fundist í Fljótshlíðinni. Tveir skjálftar, sem mældust tæplega 3 stig, urðu í morgun.

Vísindamannaráð almannavarna fundaði í morgun vegna aukinnar jarðskjálftavirkni í Eyjafjallajökli, en frá því um áramót hefur virkni færst í aukana. Í lok febrúar jókst svo virknin verulega og síðustu sólarhringana hefur hún verið viðvarandi.  Flestir eru á 7-10 kílómetra dýpi.

• 2 blogg um fréttina

Bloggað um fréttina

• Njörður Helgason: Það er ekki allt búið enn, þetta er rétt að …
• Anna Sigríður Guðmundsdóttir: Held að við þurfum ekki að hafa áhyggjur, miðað við …