„Við erum fólk en ekki fé“

Allt að eitt þúsund manns söfnuðust saman á Austurvelli í dag, börðu á potta og pönnur og kölluðu slagorð. Meðal annars hvatti fólkið Jóhönnu Sigurðardóttur, forsætisráðherra, til að kjósa í þjóðaratkvæðagreiðslunni. Mótmælendur náðu eyrum erlendra fjölmiðla sem gera útifundinum vel skil.

Hagsmunasamtök heimilanna boðuðu til fundarins ásamt fleiri grasrótarsamtökum. Fyrst fór fram kröfuganga og var gengið frá Hlemmi niður að Austurvelli. Þar mátti m.a. heyra slagorðin: „Við erum fólk en ekki fé“ og „Jóhanna, farðu að kjósa“. Þar að auki mættu margir með skilti og borða. Flestar voru áletranirnar á ensku og væntanlega til að ná eyrum erlendra fjölmiðla. Það virðist hafa tekist enda fjallað um atkvæðagreiðsluna og mótmælin í fjölmörgum erlendum fjölmiðlum.

• 4 blogg um fréttina

Bloggað um fréttina

• Gunnar Heiðarsson: Gott mál
• Hrappur Ófeigsson: Tæplega 1000 manns ;)
• Halldór Sigurðsson: Mótmæli dagsins - myndband og myndir
• Axel Þór Kolbeinsson: Skilaboð dagsins...