Vilja gangagjald í Herjólf

Bæjarráð Vestmannaeyja hefur lagt það til við Vegagerðina að tekið verði upp svipað afsláttarkerfi fargjalda í Herjólf þegar hann hefur siglingar í Landeyjahöfn og notað er í Hvalfjarðargöngin. Kemur þetta fram á vef Eyjafrétta. Það hefði í för með sér að þeir sem nota ferjuna mikið eiga kost á að kaupa fyrirfram kort með stighækkandi afslætti.  Mesti afslátturinn yrði þá á 100 ferða korti og myndi hver ferð kosta 259 krónur á meðan fullt gjald væri 900 krónur.
  Vestmannaeyjabær áætlar að heildarkostnaður heimila í Vestmannaeyjum vegna samgangna milli lands og Eyja geti hæglega verið milli þrjú hundurð og fjögur hundruð milljónir á ári. Þannig gæti hver fjögurra manna fjölskylda verið að greiða rúmar 300 þúsundir á ári í samgöngur.  Bærinn vill þess vegna að afsláttur verði aukinn og honum beint sérstaklega að stórnotendum.

• 4 blogg um fréttina

Bloggað um fréttina

• Guðrún María Óskarsdóttir.: Sanngjarnt og eðlilegt.
• Sigurður Jónsson: Að sjálfsögðu sami afsláttur fyrir Eyjamenn. Það á ekki aðþurfa …
• Gunnar Heiðarsson: Þjóðvegur
• Pálmi Freyr Óskarsson: Frábært....................