Kjaramál Norðuráls rædd hjá ríkissáttasemjara

Boðaður hefur verið til  fundar hjá ríkissáttasemjara vegna kjarasamnings Norðuráls klukkan 14 í dag en þetta er þriðji sáttafundurinn sem haldinn er undir handleiðslu sáttasemjara.

 Á vef Verkalýðsfélags Akraness kemur fram að á síðasta fundi setti ríkissáttasemjari deiluaðilum fyrir verkefni, sem var fólgið í því að skoða þrjú ágreiningsefni á milli aðilanna og reyna að finna lausn á þeim.

Sá fundur var haldinn í gær í Norðuráli, en það voru formaður Verkalýðsfélags Akraness ásamt aðaltrúnaðarmanni og trúnaðarmanni FIT sem sátu fundinn fyrir hönd samninganefndarinnar. Fyrir hönd Norðuráls sátu starfsmannastjórinn og forstjóri Norðuráls fundinn.

• 2 blogg um fréttina

Bloggað um fréttina

• Ingólfur Ásgeir Jóhannesson: Álforstjóri með aulahroll í Draumalandinu
• Dolli dropi: Búi Árland í Garðabænum