Vilja ekki sjá herþotuæfingar
Setja bókamerki
Stjórn Ungra vinstri grænna hefur sent frá sér yfirlýsingu þar sem því er algjörlega hafnað að íslensk stjórnvöld heimili starfsemi hollenska hernaðarfyrirtækisins E.C.A. Program á Íslandi sem hyggst leigja út orrustuþotur til heræfinga.
Þá er framsetning Fréttablaðsins á málinu í morgun gagnrýnd harðlega og sögð með ólíkindum, þar sem hún sé í raun gagnrýnislaus auglýsing á kostum hervæðingar.
Þá segir í yfirlýsingunni:
„Stjórn Ungra vinstri grænna skorar á íslensk stjórnvöld að hafna tafarlaust beiðni fyrirtækisins um að hefja starfsemi hér á landi og gefa þannig skýr skilaboð um að Ísland leggist gegn hernaðarlegri uppbyggingu. Mögulegur fjárhagslegur ávinningur réttlætir ekki á nokkurn hátt að Íslendingar leggi blessun sína yfir hernað og stríð.
Þá ítrekar stjórn Ungra vinstri grænna andstöðu sína við hvers kyns hernaðartengda starfsemi á Íslandi og vonbrigði með að Össur Skarphéðinsson utanríkisráðherra hafi ekki bundið endi á heræfingar í landinu. Þátttaka Íslands í hernaðarbandalaginu NATO er með öllu óásættanleg.“
Kristrún komin með umboð
„Það er verið að kalla eftir okkur“
„Við bara reynum að þrýsta þessu fram“
Á þriðja hundrað strikuðu yfir eða færðu Þórð
Runólfur í veikindaleyfi
Fundurinn hófst með söng: „Við stöndum þétt saman“
Voru með 5 sjúkrabíla í verkefnum á brautinni
