Makrílviðræður halda áfram

Samningafundi um stjórn makrílveiða sem fram fór í Álasundi í Noregi, dagana 16.-18. mars, er lokið. Enn ber mikið í milli aðila en áfram verður reynt að ná samkomulagi og því hefur verið ákveðið að viðræðum verði haldið áfram í Reykjavík dagana 19. og 20. apríl næstkomandi.

Þetta kemur fram í tilkynningu frá sjávarútvegs- og landbúnaðarráðuneytinu. Þar segir að markmið fundarins í Álasundi hafi verið „að leita samkomulags um framtíðarstjórnun makrílveiða í Norðaustur-Atlantshafi, en eins og kunnugt er hefur ekki náðst samkomulag um heildarstjórnun veiðanna síðastliðin ár.

Á fundinn mættu samninganefndir allra strandríkjanna, þ.e. Evrópusambandsins, Færeyja, Íslands og Noregs en auk þess var Rússum boðið til fundarins.

Á fundinum fóru aðilar yfir mögulega framtíðarstjórn veiða, þar með talið skiptingu heildarafla milli ríkjanna en samkomulag um hlutfallslega skiptingu er forsenda fyrir því að heildstæð stjórnun veiðanna náist.“ 

• 1 blogg um fréttina

Bloggað um fréttina

• Níels A. Ársælsson.: Makríllinn verði eign "Auðlindasjóðs"