Litlar breytingar á gosstöðvunum
Setja bókamerki
Virkni eldgossins hafði lítið breyst frá því í morgun þegar flugvél Landhelgisgæslunnar TF-SIF í eftirlitsflug í kvöld yfir gösstöðvarnar á Fimmvörðuhálsi með hóp vísindamanna frá Jarðvísindastofnun Háskólans og Veðurstofu Íslands.
Í kvöld voru 10 virkir kvikustrókar á gossprungunni, sex aðalstrókar og fjórir minni. Sterkustu strókarnir rísa í allt að 100 til 150 metra hæð yfir sprunguna. Gossprungan hefur styst frá því í morgun og er um 300-500 metrar á lengd. Hraun hefur runnið um 1 km til norðausturs frá sprungunni en ekki tókst að kanna hraunrennsli til norðvesturs vegna aðstæðna yfir gosstöðvunum. Sáralítill gösmökkur er frá gosinu.
Almannavarnanefnd í Rangárvallasýslu mun funda klukkan níu í fyrramálið og meta stöðuna og verður svo að öllum líkindum flogið yfir svæðið enn á ný um hádegisbil. Íbúar þeirra fjórtán bæja sem enn eru rýmdir gista flestir í Drangshlíð í nótt en þar er rekin ferðaþjónusta.
Sáu eldgosið brjótast út frá Snæfellsnesi
Gosið gæti varað lengur: Meiri fyrirstaða í gosrásinni
Erlendir miðlar greina frá tíunda gosinu
Bergur er fallinn
Sparnaður heimila vex meira en áður var talið
Hvað gerðist eiginlega í VMA?
Beint: Eldgos hafið við Stóra-Skógfell
Heitt vatn fannst sem gæti annað 10 þúsund manns