Svandís Svavarsdóttir, umhverfisráðherra, kynnti sér aðstæður á gossvæðinu á Fimmvörðuhálsi, milli Eyjafjallajökuls og Mýrdalsjökuls, úr flugvél Landhelgisgæslunnar, TF-SIF, í dag. Farið var í loftið klukkan 13 og gert ráð fyrir að lenda á Reykjavíkurflugvelli um miðjan dag.

Að sögn upplýsingafulltrúa Landhelgisgæslunnar gekk eftirlitsflugið vel. Notuð var eftirlits- og leitarratsjá flugvélarinnar til að mæla hvort breytingar hafi orðið á yfirborði svæðisins. Borið verður saman við mælingar úr fyrri eftirlitsferðum. Fimm jarðvísindamenn eru um borð og gera má ráð fyrir nýjum upplýsingum um gosið upp úr miðjum degi, eða eftir að flugvélinni verður lent.

Til stóð að forsætisráðherra færi með í eftirlitsflugið en hún forfallaðist á síðustu stundu og sendi aðstoðarmann, Hrannar B. Arnarsson, í sinn stað.

Tengdar fréttir

Eldgos í Eyjafjallajökli

Tíu ár frá því gos hófst í Eyjafjallajökli

• Öskuský tíðari en áður var talið
• Samráð við heimamenn nauðsynlegt
• Fimm ár frá eldgosunum
• Gjörbreytt sýn á jökulinn

» Fleiri tengdar fréttir

• 1 blogg um fréttina

Bloggað um fréttina

• Sigurjón Benediktsson: Umhvarfismat...strax!