Stöðugleikasáttmálinn rofinn

Samtök atvinnulífsins líta svo á að stjórnvöld hafi rofið stöðugleikasáttmálann með samþykkt skötuselsfrumvarpsins svokallaða. „Ríkisstjórnin er að vísa okkur úr stöðugleikasáttmálanum með samþykkt þessara laga," segir Vilhjálmur Egilsson, framkvæmdastjóri Samtaka atvinnulífsins.

Alþingi samþykkti í dag lagafrumvarp um breytingu á stjórn fiskveiða, en í því er bráðabirgðaákvæði sem heimilar sjávarútvegsráðherra að auka skötuselskvóta um 2000 lestir á næstu tveimur fiskveiðiárum og úthluta útgerðum viðbótarkvótanum gegn gjaldi.

Aðspurður hvaða þýðingu það hafi að stöðugleikasáttmálinn hafi verið rofinn segir Vilhjálmur það hafa áhrif á öll samskipti samtakanna við stjórnvöld. Meðal annars muni það birtast þegar næsta lota kjarasamninga hefst, en í lok nóvember eru ýmsir kjarasamningar á almennum vinnumarkaði lausir. 

Nánar er fjallað um þetta í Morgunblaðinu í fyrramálið

• 9 blogg um fréttina

Bloggað um fréttina

• Eygló Þóra Harðardóttir: Jóhanna hissa
• Einar Guðjónsson: Enn einn ríkisstarfsmaðurinn
• Ólafur Ingi Hrólfsson: Vilhjálmur á villigötum
• Jakobína Ingunn Ólafsdóttir: Hvers vegna fær Vilhjálmur Egilsson ekki að stjórn Íslandi?
• Tollinn: Einn kvótabraskarinn í viðbót?
• Axel Jóhann Hallgrímsson: Ég hef bara ekki heyrt hann betri.....
• Arnar Bergur Guðjónsson: Vilhjálmur og Gylfi eru hjón!
• Skríll Lýðsson: Útgerðir borga nú þegar.
• Árni Gunnarsson: Stöðugleikasáttmálinn rofinn!