„Þetta voru læti“

„Þetta voru læti,“ sagði Þórólfur Gíslason, bóndi á Lækjarbakka í Mýrdal, en þakplötur fuku af íbúðarhúsi hans í dag. Mjög hvasst var í Mýrdal í dag og losnuðu þakplötur á þremur húsum, en auk þess fauk gámur á hliðina í Vík og fleira lauslegt.

Þórólfur var að fara út þegar sviptivindur náði skyndilega að rífa plötur af þakinu. Tvíbýli er á Lækjarbakka og fuku nokkrar plötur á hitt íbúðarhúsið. Ekkert teljandi tjón varð þó á því. 

Félagar í björgunarsveitin Víkverji í Vík komu fljótlega og strengdu dúk yfir þakið. Þórólfur sagði að menn myndu koma og negla járn á þakið strax og veður leyfði.

Íbúðarhúsið á Lækjarbakka er byggt 1938. Þórólfur lét veðrið ekki á sig fá og gisti í íbúðarhúsi sínu í nótt eins og ekkert hefði í skorist.

Þakplötur fuku einnig af fjósi á Reyni í Reynishverfi. Þá fauk gámur fauk til í Vík. Grétar Einarsson, félagi í Víkverjar, sagði að stórhætta hefði stafað af gámnum, en sem betur fer hefði tekist að binda hann niður áður en hann náði að fjúka lengra.

Svona leit þakið út eftir að þakplöturnar losnuðu. Grétar Einarsson

• 1 blogg um fréttina

Bloggað um fréttina

• Jóna Kolbrún Garðarsdóttir: Svona læti eru kunnugleg fyrir mér