Ætla að hitta forustu SA
Setja bókamerki
Jóhanna Sigurðardóttir, forsætisráðherra, og Steingrímur J. Sigfússon, fjármálaráðherra, ætla að hitta forustu Samtaka atvinnulífsins að máli klukkan 13 í dag vegna yfirlýsinga framkvæmdastjóra þess um að stjórnvöld hafi rofið stöðugleikasáttmálann svonefnda með samþykkt frumvarps um breytingar á stjórn fiskveiða á Alþingi í gær.
Þetta kom fram á fundi oddvita stjórnarflokkanna með blaðamönnum eftir ríkisstjórnarfund í morgun. Haft var eftir Jóhönnu í fréttum Ríkisútvarpsins, að þessi afstaða SA væri óskiljanleg og að Landssamband íslenskra útvegsmanna yrði að gera sér grein fyrir því að engin sátt væri um núverandi fyrirkomulag á stjórn fiskveiða.
Frumvarpið, sem nefnt hefur verið skötuselsfrumvarpið, gerir m.a. ráð fyrir því að sjávarútvegsráðherra geti úthlutað viðbótaraflaheimildum í skötusel gegn gjaldi á næstu tveimur fiskveiðiárum.
Yfir 300 stæði fóru undir hraun
Sólveig Anna furðar sig á aðferðum kennara
Viðræður ekkert þokast frá því á þriðjudag
Hentugt gos fyrst gýs á annað borð
Vegirnir voru eins og borðstofuborð
Hraun kemur úr þremur gígum: Virknin stöðug
Reiðubúin að aflýsa verkföllum í fjórum leikskólum