Kröftugt hraungos
Setja bókamerki
Talsverður kraftur er í gosinu á Fimmvörðuhálsi og stíga eldsúlurnar tignarlega til himins úr gígnum, sem þar hefur myndast eins og sést á meðfylgjandi mynd, sem Ragnar Axelsson, ljósmyndari Morgunblaðsins, tók nú laust fyrir klukkan 9. Hraun rennur úr gossprungunni og nær orðið yfir stórt svæði.
Að sögn Veðurstofunnar fór eldvirknin í Eyjafjallajökli hægt vaxandi í nótt. Það dró úr óróanum og hann jókst á víxl en þrír megintoppar greindust rétt fyrir miðnættið, um eittleytið og svo um fjögurleytið.
Lögreglan á Hvolsvelli vill árétta að vegurinn inn á Emstrur fyrir innan Fljótsdal er lokaður vegna aurbleytu og sömuleiðis vegurinn í Tindfjöll. Þá er Þórsmerkurvegur lokaður við Stóru-Mörk bæði vegna aurbleytu og hættu sem getur stafað af hlaupum úr jöklinum. Vegurinn um Hamragarðaheiði er lokaður ásamt veginum upp á Fimmvörðuháls.
/frimg/1/51/19/1511999.jpg)
Lenda í háska í óskipulögðum jöklaferðum
Bindur vonir við að koma fjárlögunum í gegn
Endurskoða starfsleyfi bálstofu kirkjugarðanna
Taka þarf ákvarðanir um framtíð Grindavíkurbæjar
Kjör kennara hafi vaxið langt umfram almennan markað
Konur og börn „næstum 70%“ látinna á Gasa
Alvarlega veikar og greindust að lokum með alnæmi
Engin læknisþjónusta á heilsugæslunni í verkfalli