Harðorður í garð félagsmálaráðherra

Gylfi Arnbjörnsson, forseti ASÍ sakar ríkisstjórnina og þá einkum félagsmálaráðherra, Árna Pál Árnason, um að rjúfa áratuga langa sátt aðila vinnumarkaðarins og stjórnvalda um samábyrgð á málefnum vinnumarkaðarins með stofnun Vinnumarkarðsstofnunar sem verður til með sameiningu Vinnumálastofnunar og Vinnueftirlitsins.

Þetta kemur fram í bréfi Gylfa til Jóhönnu Sigurðardóttur forsætisráðherra sem fjallað er um í Morgunblaðinu í dag.

Hugmyndir um þessa nýju stofnun hafa verið unnar án nokkurs samráðs við ASÍ eða aðra aðila vinnumarkaðarins, segir í bréfi Gylfa. 

„Ríkisstjórnin hefur með þessari ákvörðun slitið á öll formleg tengsl og aðkomu aðila vinnumarkaðarins að þeim verkefnum sem Vinnumarkaðsstofnun mun hafa með höndum.  Allt vald er fært í hendur ráðherra og forstjóra stofnunarinnar sem starfar í umboði ráðherra.   Samstarf og samábyrgð á málefnum vinnumarkaðarins hefur verið eitt af einkennum norræna velferðarkerfisins og jafnframt einn helsti styrkur þess, segir í bréfinu.  Þar kemur einnig fram að ASÍ muni aldrei sætt sig við þá stefnubreytingu yfirvalda sem með þessu er boðuð," segir í tilkynningu frá ASÍ.

• 2 blogg um fréttina

Bloggað um fréttina

• Ólafur Ingi Hrólfsson: Gylfi kann ekkert á Árna Pál..
• Sigurður Jónsson: Vinstri stjórnin í stríði við allt og alla.