Önnur áætlun AGS komi í apríl
Setja bókamerki
„Við verðum að sjá hvernig þessu vindur fram í kjölfarið. Það eru að koma mánaðamót og páskar þannig að við erum ekki að tala um nokkra daga í þessu efni. Að sjálfsögðu erum við að vonast til að þetta gerist mjög fljótt," segir Steingrímur J. Sigfússon fjármálaráðherra spurður um hvenær raunhæft sé að ætla að önnur endurskoðun samstarfsáætlunar við Alþjóðagjaldeyrissjóðinn verði samþykkt. Nú sé horft til apríl.
Steingrímur fundaði með fulltrúum Kína, Póllands, Japans, Bretlands, Sviss, Frakklands, Hollands og Bandaríkjanna í framkvæmdastjórn sjóðsins í Washington í gær, auk þess sem hann fundaði með Charles Collyns, aðstoðarráðherra á sviði alþjóðlegra fjármála í bandaríska fjármálaráðuneytinu.
Stíf fundahöld framundan
Fundalotan heldur áfram í dag en þá slæst Gylfi Magnússon viðskiptaráðherra í lið með Steingrími til fundar með Dominique Strauss-Kahn, framkvæmdastjóra sjóðsins og öðrum fulltrúum hans.
Fyrr í vikunni funduðu fulltrúar stjórnmálaflokkanna með breskum þingnefndum um Icesave. Aðspurður um fundina segir Bjarni Benediktsson, formaður Sjálfstæðisflokksins, að fulltrúar fjárlaganefndar breska þingsins hafi lýst yfir þeirri skoðun sinni að þeir teldu ólíklegt að til tíðinda myndi draga í málinu fyrr en að loknum þingkosningunum 6. maí.
Nánar er fjallað um stöðuna í Icesave-deilunni í Morgunblaðinu.
Auka aðgengi að Grindavík
Falskur fyrirvari á auglýsingum Höllu
Dæla, kæla og verja mikilvæg mannvirki
Vinna hefst í dag við að reisa undirstöður
Létu lofthræðsluna ekki á sig fá
Sendi nektarmyndir af dreng sem hann passaði
Fundur hafinn hjá kennurum, ríki og sveitarfélögum
Börnin eiga að ýta við foreldrum sínum