Búist er við mikilli umferð um Rangárþing í dag, að sögn Kjartans Þorkelssonar sýslumanns. Umferð var farin að aukast í morgun. Sveitarfélagið hefur útbúið aðstöðu fyrir ferðafólk sem vill skoða eldgosið í Eyjafjallajökli inn við Fljótsdal. Kalt er í veðri og gjóla svo fólki er ráðlagt að búa sig vel.

Kjartan sagði að fólk gæti gengið upp í Þórólfsfell frá aðstöðunni í Fljótsdal vilji það fá góða sýn til gosstöðvanna.  „En það er kalt og svolítil gola og betra að fólk sé vel útbúið,“ sagði Kjartan.

Almannavarnanefnd svæðisins mun ekki koma saman um helgina nema aðstæður breytist eitthvað, að sögn Kjartans. Hann sagði að fylgst yrði með stöðunni með almannavarnadeild ríkislögreglustjór og vísindamönnum.  „Við bara fylgjumst með og erum á vaktinni,“ sagði Kjartan.

Veðurspá Veðurstofu fyrir Fimmvörðuháls

Veðurspá fyrir Fimmvörðuháls í u.þ.b. 800-1000 metra hæð yfir sjávarmáli, laugardag 27.03 og sunnudag 28.03: Norðaustan og norðan 8-13 m/s og yfirleitt léttskýjað, en búast má við stífum vindhviðum á svæðinu (allt að 13-18 m/s). Frost 3 til 9 stig. Útlit er fyrir að hvessi seint á sunnudag, líklega þó ekki fyrr en um kvöldið.

Veðurspáin var gerð kl. 9.32 þann 27. mars.

Margir fylgdust með eldgosinu í gærkvöldi. Halldór Kolbeins

Tengdar fréttir

Eldgos í Eyjafjallajökli

Tíu ár frá því gos hófst í Eyjafjallajökli

• Öskuský tíðari en áður var talið
• Samráð við heimamenn nauðsynlegt
• Fimm ár frá eldgosunum
• Gjörbreytt sýn á jökulinn

» Fleiri tengdar fréttir

• 1 blogg um fréttina

Bloggað um fréttina

• S i g u r ð u r S i g u r ð a r s o n: Fimmvörðuskáli varinn með járnplötum