DV: Leyniskýrslur sendiráðs Bandaríkjanna
Setja bókamerki
Albert Jónsson, fyrrverandi sendiherra í Bandaríkjunum, starfaði með þarlendum stjórnarerindrekum við að gera lítið úr umræðunni um fangaflug bandarísku leyniþjónustunnar CIA í íslenskri lofthelgi. Þetta kemur fram í DV í dag en blaðið segist hafa undir höndum leynilegar skýrslu um Albert, Jóhönnu Sigurðardóttur forsætisráðherra og Össur Skarphéðinsson utanríkisráðherra.
Leyniskýrslurnar verða gerðar opinberar á vef Wikileaks síðar í dag. Þær eru unnar af starfsmönnum bandaríska sendiráðsins á Íslandi. Samkvæmt upplýsingum DV er efni skýrslnanna ætlað sem undirbúningur bandarískra embættismanna fyrir fundi með þeim sem þar er um fjallað.
Í leyniskýrslunni um Albert eru persónueiginleikar hans raktir og kemur þar meðal annars fram að Albert sé mjög hliðhollur Bandaríkjamönnum og hafi verið í nánu samneyti við starfsmenn bandaríska sendiráðsins.
Oddvitaviðtöl í Reykjavík suður
Skúli sýknaður en 780 milljóna greiðslum rift
„Ég er bara vongóður“
Engin læknisþjónusta á heilsugæslunni í verkfalli
Kvikusöfnun 80% af því sem var fyrir síðasta gos
Kílómetragjald: „Mikilvægt að málið verði klárað fyrir þinglok“
Víðir gerir upp mistök frá covid-tímanum
Konur og börn „næstum 70%“ látinna á Gasa