Engar breytingar hafa orðið á eldgosinu á Fimmvörðuhálsi í nótt. Að sögn Veðurstofunnar hefur styrkur gossins og gosórói haldist sá sami. Ekki er lengur sérstök næturvakt sem á Veðurstofunni til að vakta gosið.

Gosóróinn fór vaxandi eftir hádegi í gær en hann datt niður um hríð í fyrrinótt og framundir morgun. Upp úr klukkan 18 í gær kom hrina nokkurra jarðskjálfta upp á 2-2,5 stig, þeir fundust m.a. í Húsadal í Þórsmörk.

Gunnar B. Guðmundsson, jarðeðlisfræðingur hjá Veðurstofu Íslands, segir mælingar á óróa gefa vísbendingu um kraftinn í gosinu, sem hafi smám saman minnkað. Þá segir hann GPS-tæki sem mæla jarðskorpuhreyfingar sýna að skorpan hefur hætt að þenjast út, og jafnvel gengið örlítið til baka. En alls ekki megi slá því föstu að gosinu fari að ljúka.

Tengdar fréttir

Eldgos í Eyjafjallajökli

Tíu ár frá því gos hófst í Eyjafjallajökli

• Öskuský tíðari en áður var talið
• Samráð við heimamenn nauðsynlegt
• Fimm ár frá eldgosunum
• Gjörbreytt sýn á jökulinn

» Fleiri tengdar fréttir

• 1 blogg um fréttina

Bloggað um fréttina

• S i g u r ð u r S i g u r ð a r s o n: Glæsileg mynd af hraunfossi í Hvannárgil