Ný jökulsprunga í Goðabungu

Jökulsprunga hefur opnast í Mýrdalsjökli rétt við akstursleiðina sem liggur að Fimmvörðuhálsi. Sprungan er vestan í Goðabungu og er hún samhliða akstursleiðinni. Sprungan er 30-40 sentimetra breið og opin á allt að 15 metra kafla.

Svanur S. Lárusson, formaður Flugbjörgunarsveitarinnar á Hellu, er nú í stjórnstöð á Hellu. Hann sagði að björgunarsveitarmenn hafi látið vita af  af sprungunni um kl. 21.30 í kvöld. Svanur sagði sprunguna þýða að menn þyrftu að fara þar um af varkárni. 

Vel gekk að rýma Fimmvörðuháls og nágrenni að sögn Svans. Fólk er þó enn á leið niður af jöklinum að sunnanverðu.

• 3 blogg um fréttina

Bloggað um fréttina

• Njörður Helgason: Bryddir á Barða?
• Theódór Norðkvist: Náttúruhamfarir, ekki sirkus undir Eyjafjöllum
• Guðrún María Óskarsdóttir.: Allt getur gerst á þessu eldfjallasvæði á Suðurlandi.