Nýja gossprung­an virðist vera ná­tengd þeirri sem opnaðist 20. mars s.l. að mati Páls Ein­ars­son­ar, pró­fess­ors í jarðeðlis­fræði við Há­skóla Íslands. Hann bend­ir á að lít­il breyt­ing hafi orðið á skjálfta­virkni þegar nýja sprung­an opnaðist og gosórói er nán­ast óbreytt­ur þrátt fyr­ir nýju sprung­una.

Páll kvaðst ekki hafa trú á að hraun­flæði hafi auk­ist í heild­ina þrátt fyr­ir opn­un nýju sprung­unn­ar. Hann mark­ar það af óró­an­um og seg­ir hann yf­ir­leitt hafa reynst góðan mæli­kv­arða á hvað mikið hraun flæðir. Páll sagði það raun­ar eiga eft­ir að koma í ljós hvaða áhrif nýja sprung­an hef­ur á hraun­flæðið.

„Þetta sýn­ir það að svona gossprungu­kerfi get­ur verið óstöðugt,“ sagði Páll. „Það er lexía út af fyr­ir sig að það er ekki hægt að ganga að þessu vísu þótt menn séu bún­ir að fylgj­ast með gos­inu í marga daga og allt hafi virst vera í stöðugu ástandi þá get­ur það breyst snögg­lega.“

Sam­kvæmt upp­lýs­ing­um frá al­manna­varna­deild rík­is­lög­reglu­stjóra hef­ur ferðamönn­um við gosstöðvarn­ar verið snúið aft­ur til Skóga og niður í Þórs­mörk  og einnig  hef­ur far­ar­tækj­um á Mýr­dals­jökli verið snúið til baka.

Byggð um­hverf­is Eyja­fjalla­jök­ul er ekki tal­an stafa hætta af nýrri gossprungu á Fimm­vörðuhálsi.   Magnús Tumi Guðmunds­son, pró­fess­or, hef­ur verið í sam­bandi við Sam­hæf­ing­ar­stöð og tel­ur eins og Páll Ein­ars­son, að um sé að ræða sprungu frá sömu gos­rás.  

Tengd­ar frétt­ir

Eld­gos í Eyja­fjalla­jökli

Tíu ár frá því gos hófst í Eyja­fjalla­jökli

• Ösku­ský tíðari en áður var talið
• Sam­ráð við heima­menn nauðsyn­legt
• Fimm ár frá eld­gos­un­um
• Gjör­breytt sýn á jök­ul­inn

» Fleiri tengd­ar frétt­ir

• 3 blogg um frétt­ina

Bloggað um frétt­ina

• Friðrik Friðriks­son: You ain´t seen not­hing yet!
• Ómar Ragn­ars­son: Hætt­an mest rétt áður en sprung­ur opn­ast, ekki á eft­ir.
• Guðmund­ur Júlí­us­son: Ekk­ert hægt að segja til um hegðan eld­goss