Engar merkjanlegar breytingar hafa orðið á gosstöðvunum í kvöld og samkvæmt lögreglunni á Hvolsvelli liggur straumur fólks heim á leið frá Eyjafjallajökli. Byrjaði að fækka fólki á jöklinum um hálftíuleytið en einhverjir verða þó áfram í nótt, auk björgunarsveitarmanna sem vakta svæðið.

Lögreglumenn á Hvolsvelli segja umferðina hafa gengið vel í kvöld og ekkert óhapp orðið, fyrir utan manninn sem fluttur var slasaður á fæti til byggða um áttaleytið í kvöld. 

Talið er að vel á annað þúsund manns hafi farið upp að gossprungunum í dag og miðað við veðurspá næstu daga er búist við áframhaldandi straumi fólks á svæðið yfir páskana.

Nánast engin skjálftavirkni hefur verið í Eyjafjallajökli síðan um miðjan dag í dag, þegar nokkrir kippir voru á fjórða tímanum, sá stærsti nærri 3 stig.

Tengdar fréttir

Eldgos í Eyjafjallajökli

Tíu ár frá því gos hófst í Eyjafjallajökli

• Öskuský tíðari en áður var talið
• Samráð við heimamenn nauðsynlegt
• Fimm ár frá eldgosunum
• Gjörbreytt sýn á jökulinn

» Fleiri tengdar fréttir

• 3 blogg um fréttina

Bloggað um fréttina

• Þóra Guðmundsdóttir: Upptaka í þrívídd
• Ómar Ragnarsson: Óvenjuleg stemning á lofti og á jörðu.
• Guðmundur Júlíusson: Lognið á undan storminum