Hústökufólk á Vesturgötu

Húsnæði við Vesturgötu hefur verið tekið yfir, að því segir í tilkynningu frá hústökufólki. Lögreglu höfuðborgarsvæðisins er ekki kunnugt um málið en hyggst kanna það.

Í tilkynningu frá hústökufólki segir að á meðan fólk berst við kerfið og bankana til þess að halda þaki yfir höfði sér og fjölskyldu sinnar séu auð hús sem grotni niður. Það sé móðgun við samfélagið.

„Við hvetjum fólk til þess að taka yfir hús sem auð standa, hvort sem er til búsetu eða undir opna félagsstarfsemi. Við hvetjum fólk líka til þess neita að flytja úr húsum sínum þegar bankar og yfirvöld koma að bera það út af heimilum sínum. Auð hús og heimilislaust fólk er eitthvað sem ekki á að líðast í heilbrigðu samfélagi,“ segir í tilkynningunni.

• 3 blogg um fréttina

Bloggað um fréttina

• Axel Jóhann Axelsson: Fasteignaþjófarnir enn á ferðinni
• Axel Jóhann Hallgrímsson: Þetta er það sem gerist ......
• Anna Sigríður Guðmundsdóttir: Ég er ekki hissa þótt ungir læknar mótmæli!