Gangurinn í eldgosinu á Fimmvörðuhálsi virðist lítið hafa breyst undanfarinn sólarhring. Gosórói hefur verið óbreyttur á jarðskjálftamælum Veðurstofunnar en inn á milli hafa komið hviður.  Segir Veðurstofan, að líklega stafi þær af því að hraunið kemst enn í tæri við snjó og við það verða gufusprengingar.

Fáeinir jarðskjálftar hafa orðið undir austurhluta Eyjafjallajökuls en allir innan við 2 að stærð. GPS-mælar á svæðinu sýna litlar breytingar.

Veður á Fimmvörðuhálsi er frekar slæmt, norðan 15 metrar á sekúndu og frost er 9 stig. Spáð er að vind lægi ögn þegar líður á daginn. Nú í morgun hefur verið skafrenningur á Mýrdalsjökli og slæmt skyggni og færð upp á jökulinn frá Sólheimum er þung.

Lögregla verður með vakt við gönguleiðina á Fimmvörðuhálsi upp frá Skógum og verður þeim, sem eru vanbúnir, snúið þar frá. Einnig verður vakt við akstursleiðina upp á Mýrdalsjökul við Sólheima.

Lögreglan segir, að færi upp á jökulinn sé mjög þungt og ekki fyrir aðra en mikið breytta bíla. Við Sólheima verður þeim snúið frá sem ekki eru nægilega vel búnir til að eiga erindi á jökulinn.

Tengdar fréttir

Eldgos í Eyjafjallajökli

Tíu ár frá því gos hófst í Eyjafjallajökli

• Öskuský tíðari en áður var talið
• Samráð við heimamenn nauðsynlegt
• Fimm ár frá eldgosunum
• Gjörbreytt sýn á jökulinn

» Fleiri tengdar fréttir

• 4 blogg um fréttina

Bloggað um fréttina

• Ómar Ragnarsson: Reykjavíkurflugvelli skellt í lás á morgun.
• Guðjón Sigþór Jensson: Utanvegaakstur
• Njörður Helgason: Við höfum ríkar skyldur gagnvart Landsbjörg.
• Jón Pétur Líndal: Meiri líkur á að gosið færist yfir í jökulinn.