Björgunarsveitir á niðurleið

Engir ferðamenn eru nú á ferli á Fimmvörðuhálsi þar sem óveður geisar. Björgunarsveitarmenn eru nú á tveimur bílum á hálsinum en ætla að fikra sig niður til að kanna gönguleiðina. Settir verða upp póstar við gönguleiðina frá Skógum og á Sólheimajökli til að tryggja að fólk fari ekki upp í óveðrið.

Veður er nú að versna á Fimmvörðuhálsi, vindur fer vaxandi og skyggni að versna.

Einn breskur ferðamaður dvelur í góðu yfirlæti í skála Útivistar á Fimmvörðuhálsi. Hann er vel búinn og væsir ekki um hann, að sögn stjórnstöðvar Flugbjörgunarsveitarinnar á Hellu. Bretinn ætlar að ganga niður á morgun þegar veður hefur batnað. 

Í Þórsmörk eru einnig björgunarsveitarmenn við eftirlit.  Nú í morgun voru alls um 15 björgunarsveitarmenn við eftirlit við gosstöðvarnar og í stjórnstöð.

• 3 blogg um fréttina

Bloggað um fréttina

• S i g u r ð u r S i g u r ð a r s o n: Standa póstar vörð á gönguleiðinni?
• Haraldur Bjarnason: Neyð en ekki í fíflaskap
• Haraldur Haraldsson: Björgunarsveitir á niðurleið/Gosið heldur áfram/mengunin mikil !!!!!