Tapaði vegabréfi og peningum

Hollenskur ferðamaður, karl á miðjum aldri, leitaði ásjár hjá lögreglu höfuðborgarsvæðisins í morgun. Hann hafði tapað vegabréfi sínu og reiðufé, evrum að andvirði um 200 þúsund krónur, á næturröltinu.

Maðurinn hafði lagt leið sína um Laugardalinn og endaði á Sportbarnum í miðborginni. Hann taldi sig hafa týnt vegabréfinu og peningunum frekar en að því hafi verið stolið.

Skilvísir finnendur eru vinsamlegast beðnir um að koma vegabréfinu og peningunum á lögreglustöðina við Hverfisgötu. 

• 1 blogg um fréttina

Bloggað um fréttina

• Theódór Norðkvist: Nú hlýtur maðurinn að eiga skaðabótakröfu á íslenska ríkið