Menntamálaráðherra hefur staðfest að starfhópur á vegum þeirra þriggja
opinberu aðila sem hafa með örnefni að gera samkvæmt lögum: Landmælinga Íslands, nafnfræðisviðs Stofnunar Árna Magnússonar í íslenskum fræðum og örnefnanefndar, fari í sameiningu með ákvörðunarvald á nafngift nýrrar eldstöðvar neðan Fimmvörðuháls. 

Í tilkynningu frá menntamálaráðuneytinu segir, að með þessari staðfestingu hafi  verið eytt óvissu um hver skuli ákveða nafn á hinu nýja kennileiti, en mikill áhugi sé á nafngiftinni og starfshópnum hafi borist fjölmargar tillögur.

Næstu skref hópsins eru því að fara yfir tillögurnar auk þess að kynna sér þau örnefni sem þekkt eru á svæðinu, en nokkuð vandaverk kunni að vera að velja nafn á eldstöð sem enn er í fullri virkni og óljóst sé hvernig muni þróast.

Tengdar fréttir

Eldgos í Eyjafjallajökli

Tíu ár frá því gos hófst í Eyjafjallajökli

• Öskuský tíðari en áður var talið
• Samráð við heimamenn nauðsynlegt
• Fimm ár frá eldgosunum
• Gjörbreytt sýn á jökulinn

» Fleiri tengdar fréttir

• 2 blogg um fréttina

Bloggað um fréttina

• Guðrún María Óskarsdóttir.: Hvað með heimamenn, fá þeir engu að ráða ?
• Sigurbjörn Sveinsson: Dymbilfell, Dymbilhnúfa, Páskafell, Kólfur?