Verksmiðja frá Noregi til Íslands

Ítalska fyrirtækið Becromal, sem er að byggja upp aflþynnuverksmiðju við Krossanes í Eyjafirði, er að flytja verksmiðju sína frá Nofodden í Noregi til Íslands. Að sögn norsks héraðsfréttamiðils missa 74 vinnuna í Nofodden vegna þessa á árinu.

Fram kemur á vefnum telen.no, að þegar hafi 12 vélar verið fluttar úr verksmiðjunni í Notodden til Íslands og búið eigi að vera að flytja allar vélarnar til Íslands fyrir lok þessa árs.

Telen.no segir, að eigendur verksmiðjunnar muni formlega tilkynna starfsfólki um þetta í dag og vilji því ekki tjá sig um málið. Hins vegar hafi Ludvig Rademacher, verksmiðjustjóri, tilkynnt verkalýðsfélögum um þetta í gær.

Blaðið hefur eftir Tommy Folserås, aðaltrúnaðarmanni, að þessar fréttir hafi í raun ekki komið á óvart en vitað var að stjórn verksmiðjunnar hafi reynt að gera hagstæða orkusamninga við norsk stjórnvöld en án árangurs. 

Notodden er skammt vestan við Ósló.

• 2 blogg um fréttina

Bloggað um fréttina

• Björgvin Guðmundsson: Eins dauði er annars brauð
• Einar Guðjónsson: Kína er í Eyjafirði