Elín launahærri en Ásmundur í Landsbankanum 2009

Fram kemur í ársreikningi Landsbankans fyrir árið 2009 að Elín Sigfúsdóttir, fyrrverandi bankastjóri, hafði ríflega 19,3 milljónir króna í laun á því ári.

Elín var engu að síður ráðin bankastjóri tímabundið eftir hrun og lét af því starfi í byrjun mars 2009.

Til samanburðar hafði arftaki hennar, Ásmundur Stefánsson, rúmlega 17,5 milljónir í laun 2009. Hann gegndi starfi bankastjóra í tíu mánuði á því ári en Elín í tvo. Upphaflega voru mánaðarlaun hennar 1.950 þúsund krónur en voru lækkuð í 1,5 milljónir í árslok 2008 eftir umræðu um laun bankastjóra nýju bankanna.

Sjá nánar um þetta mál í Morgunblaðinu í dag.