Íslenskra stjórnenda bíður fordæmandi skýrsla

Fordæmandi skýrsla um vanhæfni íslenska ríkisins til að vernda almenna sparifjáreigendur, þar með talið hundruð þúsunda breskra sparifjáreigenda, verður birt á morgun, segir á vef breska dagblaðsins Guardian sem gerir sér mat úr skýrslu rannsóknarnefndar Alþingis. 

Að sögn Guardian er búist við að skýrslan taki ítarlega á bæði Icesave-málinu og eins hinum „aumkunarverða tryggingasjóði innistæðueigenda“. Búist sé við harðri gagnrýni á hendur fyrrverandi ráðherrum og öðrum stjórnendum sem beri ábyrgð á tryggingasjóðnum. Þá verði að telja líklegt að skýrslan geymi einnig ásakanir um ófullkomnar reglugerðir og jafnvel vanrækslu er kemur að útþenslu íslenska bankakerfisins.

Vitnar Guardian í þau orð Páls Hreinssonar, formanns nefndarinnar, að enginn nefnd hafi nokkurn tímann þurft að flytja þjóð sinni jafn slæmar fréttir.

„Auk þess að greina frá óhófinu, gölluðum reglugerðum og annmörkum á viðskiptalífinu sem urðu meðal kennimarka Íslenska efnahagskerfisins er leið að hruninu, þá er búist við að skýrslan bendi líka á mikilvæg, en einangruð atvik, sem grunur leikur á að séu glæpsamleg. Ekki hvað síst muni hún beina athyglinni að nokkrum efnamiklum einstaklingum, en athafnir þeirra er þeir leituðust við að vernda eigin auð, á skilið frekari skoðun. Nokkrir háttsettir framkvæmdastjórar sem virðast hafa blekkt fjárfesta er kemur að áhættunni sem fyrirtæki þeirra tóku kunnu líka að lenda í sviðsljósinu,“ segir í grein Guardian.

• 3 blogg um fréttina

Bloggað um fréttina

• Arnór Baldvinsson: Hlekkur á grein Guardians virkar ekki...
• Ólafur Ragnarsson: "the big book"
• Ómar Geirsson: Steinum kastað úr glerhúsi.