30-35 bæir rýmdir

Verið er að rýma 30-35 bæi milli Markarfljóts og Skóga vegna gosóróa og jarðskjálfta í Eyjafjallajökli. Enn er unnið á hættustigi á svæðinu. Vel hefur gengið að gera fólki á bæjunum viðvart samkvæmt upplýsingum samhæfingarmiðstöðvar á Hvolsvelli.

 Í byrjun mars hófst skjálftahrina í Eyjafjallajökli. Undir miðnætti 20. mars hófst svo eldgosið á Fimmvörðuhálsi. Jarðskjálftarnir nú eru vestar en verið hefur, undir toppgíg jökulsins. Gosórói er á svæðinu. Viðbragðsáætlanir vegna náttúruhamfara á svæðinu hafa verið æfðar.

Þekkir þú til? Fannstu skjálfta? Býrðu á svæðinu? Vinsamlega hafðu samband  á netfrett@mbl.is

• 1 blogg um fréttina

Bloggað um fréttina

• Sigurður Haraldsson: Flott hjá ykkur.