Rýming gengur vel

Vel gengur að rýma svæðið undir Eyjafjallajökli vegna gosóróans sem hófst í toppgíg jökulsins um kl. 23 í gærkvöldi. Rýma þarf 30-35 bæi og eru íbúar þeirra um 70-80. Rúmlega fimmtán björgunarsveitarmenn og lögreglumenn komu að aðgerðinni. Hringt var á bæina og einnig ekur lögreglubíll um svæðið og lætur fólk vita.

Kjartan Þorkelsson, sýslumaður á Hvolsvelli, segir að vakt verði áfram í samhæfingarmiðstöðinni á Hvolsvelli og beðið sé frekari upplýsinga frá jarðvísindamönnum.

 Jarðskjálftahrina hófst um kl. 23 í gærkvöldi undir toppi Eyjafjallajökuls.  Í samráði við jarðvísindamenn á Veðurstofunni var tekin ákvörðun um rýmingu sunnan jökulsins öryggisskyni.   Rýmt verður frá Markarfljóti  í vestri austur að Skógum. Skjálftahrinan er öflug og henni fylgir gosórói í toppgíg jökulsins, undir ís.

• 2 blogg um fréttina

Bloggað um fréttina

• S i g u r ð u r S i g u r ð a r s o n: Mynd af staðháttum á Eyjafjallajökli
• Sigurður Haraldsson: Það er vá fyrir dyrum!