Anna Margrét sest á þing
Setja bókamerki
Anna Margrét Guðjónsdóttir, forstöðumaður skrifstofu Sambands íslenskra sveitarfélaga í Brussel, tekur sæti Björgvins G. Sigurðssonar sem óskað hefur eftir að láta tímabundið af þingstörfum.
Anna Margrét er 1. varaþingamaður Samfylkingarinnar í Suðurlandskjördæmi.
Níu manna nefnd alþingismanna er núna að fara yfir skýrslu rannsóknarnefndar Alþingis, en hún tekur afstöðu til þess hvort gefin verður út ákæra á hendur þingmanna sem taldir eru hafa brugðist skyldum sínum í aðdragenda hrunsins, en þeir eru Geir H. Haarde, Árni M. Mathiesen og Björgvin G. Sigurðsson. Óvíst er hversu langan tíma tekur fyrir nefndina að komast að niðurstöðu. Það gæti verið áður en þingi lýkur í vor, en allt eins líklegt er að það verði ekki fyrr en í haust.
Nefndin ákveður hvort lagt verður til við Alþingi að höfða mál gegn Björgvini, Geir eða Árna. Ef það verður gert þarf að kalla Landsdóm saman. Það hefur aldrei verið gert.
Víkingar komnir yfir 800 milljónir í greiðslur
„Börn heima sem maður myndi vilja hafa í skjóli“
Hrikalegt að heyra fréttirnar
Fyrsti blaðamannafundurinn í heild sinni
Bjarni: „Útilokað að þetta geti gengið upp“
Stormur á Þorláksmessu en víðast hvar stefnir í hvít jól
Beint: Ný ríkisstjórn tekin við völdum
