Ekki tilefni til áminningar

Álfheiður Ingadóttir, heilbrigðisráðherra, afhenti forstjóra Sjúkratrygginga bréf í gær þar sem fram kemur að ekki sé tilefni til að áminna hann fyrir að leita til ríkisendurskoðanda án þess að ráðfæra sig við ráðherra. Þetta kom fram á Alþingi í dag.

Guðlaugur Þór Þórðarson, þingmaður Sjálfstæðisflokks, spurði Álfheiði út í malefni Steingríms Ara Arasonar, forstjóra Sjúkratrygginga. Álfheiður sagði málinu lokið og eftir fund í ráðuneytinu á mánudag hafi náðst samkomulag um reglugerð um þátttöku sjúkratrygginga í nauðsynlegum tannlækninga- og tannréttingakostnaði vegna alvarlegra fæðingargalla, sjúkdóma eða slysa. Þar með hafi verið hafin afgreiðsla á umsóknum þess fólks sem býr við alvarlega galla í munnholi, um 70-80 manna hópur. Það hafi verið gert í gær.

Álfheiður sagði að vegna þess að aftur hefði náðst trúnaður milli hennar og Steingríms Ara sé ekki tilefni til að áminna hann.

• 7 blogg um fréttina

Bloggað um fréttina

• Halldór Halldórsson: Megi hún skammast sín niður úr gólfinu!
• Jóhann Elíasson: LOKSINS ÉTUR HÚN OFAN Í SIG BULLIÐ OG VITLEYSUNA!!!!!!!!!!!!!!!!!
• Alli: Skassið tamið.
• Dögg Pálsdóttir: Maður að meiri
• S i g u r ð u r S i g u r ð a r s o n: Álfheiður gerð afturreka
• Axel Jóhann Axelsson: Álfheiður étur ofan í sig hrokann
• Ómar Sigurðsson: Álfheiður með skítinn upp á bak.