„Það er gott að þetta komi í minni skömmtum því það er ljóst að það er nægur ís þarna til að bræða,“ segir Víðir Reynisson deildarstjóri almannavarna, en tvær gusur komu í Markarfljót og tvær minni í nótt.

Víðir sagði að í morgun hefði dregið úr gosinu og um tíma hefði gosmökkurinn horfið af ratar. Síðan hefði færst aukinn kraftur í gosið. Hann sagði að fylgst væri vel með vefmyndavélum en þær sýndu hvað væri að gerast við Gígjökul. Enn sem komið væri sæist engin breyting þar.

Búið að loka Mýrdalssandi

Búið er að loka Mýrdalssandi, en þar er mikið öskufall á um sex kílómetra kafli á þjóðvegi 1. Öskufall er í Álftaveri, Meðallandi, Klaustri og einnig eitthvað í Skaftártungu. Skyggni á þessu svæði fer sumstaðar niður í 50 metra. Vindur er af austri og er ekki búist við neinni breytingu á vindátt í dag.

Fundur verður í Samhæfingarmiðstöð í Skógarhlíð með vísindamönnum kl. 10 í dag.

Aska yfir Mýrdalssandi í morgun mbl.is/Jónas Erlendsson

Tengdar fréttir

Eldgos í Eyjafjallajökli

Tíu ár frá því gos hófst í Eyjafjallajökli

• Öskuský tíðari en áður var talið
• Samráð við heimamenn nauðsynlegt
• Fimm ár frá eldgosunum
• Gjörbreytt sýn á jökulinn

» Fleiri tengdar fréttir

• 1 blogg um fréttina

Bloggað um fréttina

• Njörður Helgason: Afdrifamikið eldgos.