„Þetta er ekkert rosalegt hlaup,“ segir Þórir Árnason, verkstjóri hjá Suðurverki sem fylgst hefur með hlaupinu við Markarfljótsbrú. Flóðið kom niður að brúnni um kl. 20:45.

Þórir hefur staðið upp á höfðanum við Seljaland í kvöld og fylgst með flóðinu. Hann segir að vatn hafi runnið í gegn um eitt skarð af þremur í veginum. Sú vinna sem vegagerðarmenn lögðu á sig í dag við að koma á vegasambandi yfir Markarfljót er því ekki öll unnin fyrir gýg.

Mikil drulla er í vatninu og íshröngl og svartir jakar hafa borist niður eftir ánni.

Þórir hefur ekki upplýsingar um hvað gerðist inn í Fljótsdal í kvöld. Hann ætlar í kvöld að kanna ástandið á gömlu brúnni yfir Markarfljót. „Ég vona að sú flóttaleið sé opin,“ sagði Þórir.

Tengdar fréttir

Eldgos í Eyjafjallajökli

Tíu ár frá því gos hófst í Eyjafjallajökli

• Öskuský tíðari en áður var talið
• Samráð við heimamenn nauðsynlegt
• Fimm ár frá eldgosunum
• Gjörbreytt sýn á jökulinn

» Fleiri tengdar fréttir

• 1 blogg um fréttina

Bloggað um fréttina

• Pálmi Freyr Óskarsson: Eins og sést á þessu línuriti......