Starfsmenn frá Veðurstofu ætla að freista þess að setja vatnshæðarmæli í lónið við Gígjökul. Þar var mælir en hann fór þegar hlaup kom í lónið á miðvikudaginn.

„Mælirinn sem var í lóninu fór í hlaupinu á miðvikudaginn. Áður en flóðið tók hann hafði hann gefið okkur mjög mikilvægar upplýsingar,“ sagði Sigrún Karlsdóttir náttúrustjóri á Veðurstofunni.

Mælirinn sendir sjálfvirkt upplýsingar inn til Veðurstofu um breytingar á vatnshæð í lóninu, en það gefur mikilvægar upplýsingar um það sem er að gerast við jökulinn. Vatnið sem kemur frá jöklinum fer í lónið og þaðan í Markarfljót. Reglulegar gusur hafa komið í lónið frá því gosið hófst. Um klukkutími líður frá því hlaup kemur í lónið þar til vatnið kemur fram við nýju Markarfljótsbrú.

Sigrún sagði að menn myndu fara varlega við lónið og ekki yrði teflt á tvær hættur. Stuttan tíma tekur að koma mælinum fyrir. 

Tengdar fréttir

Eldgos í Eyjafjallajökli

Tíu ár frá því gos hófst í Eyjafjallajökli

• Öskuský tíðari en áður var talið
• Samráð við heimamenn nauðsynlegt
• Fimm ár frá eldgosunum
• Gjörbreytt sýn á jökulinn

» Fleiri tengdar fréttir

• 1 blogg um fréttina

Bloggað um fréttina

• Skúli Víkingsson: Villandi mynd með frétt