Beinar fréttaútsendingar frá Hvolsvelli

Fjöldi erlendra fréttamanna er kominn til Íslands að fylgjast með gosinu. Beinar útsendingar hafa verið frá Hvolsvelli og frá Markarfljótsbrú í dag og í gær.

Ólöf Snæhólm Baldursdóttir, upplýsingafulltrúi hjá Slysavarnarfélaginu Landsbjörg, hefur í dag og í gær verið fréttamönnunum til aðstoðar. Hún segir að reynt hafi verið í skyndingu að koma upp aðstöðu fyrir þá á Hvolsvelli og aðstoða þá eftir föngum. Hún sagði að þetta hefði gengi nokkuð vel þó að menn hefðu ekki verið undirbúnir undir þennan mikla áhuga erlendra fréttamiðla.

Gríðarlegur áhugi er á eldgosinu um allan heim, ekki síst vegna þeirrar miklu  röskunar sem það hefur valdið í flugsamgöngum í Evrópu. 

• 1 blogg um fréttina

Bloggað um fréttina

• Njörður Helgason: Það horfa allir til okkar.