„Þetta er viðbjóður. Það er hreint ótrúlegt að upplifa þetta. Þetta er miklu verra en ég reiknaði með,“ sagði Páll Eggert Ólafsson, bóndi á Þorvaldseyri, sem í gær horfði á öskumökkinn gleypa bæinn sinn.

„Við opnuðum hurðina í gærkvöldi, rétt augnablik og þá kom fýll inn til okkar. Hann hafði flogið í átt að ljósinu,“ sagði Páll Eggert. Hann sagði að annar fýll hefði verið á vappi fyrir utan bæinn. Hann sagðist hafa heyrt frá fleiri bæjum undir Eyjafjöllum að fýlar væru á hlaðinu. Það gæti varla verið annað en fuglar í talsverðum mæli væru að drepast í þessum ósköpum.

„Ég er bara í sjokki,“ sagði Páll Eggert þegar hann var spurður hvernig væri að upplifa þetta. „Mann langar bara að sofa áfram og ekki þurfa að horfa á þetta,“ sagði Páll Eggert við mbl.is í morgun, skömmu áður en hann lagði af stað frá Varmahlíð, þar sem hann svaf í nótt, að Þorvaldseyri til að mjólka kýrnar.

Þessi mynd var tekin í Varmahlíð fyrir skömmu þar sem fólk gisti vegna gossins. Á myndinni eru Pétur Freyr Pétursson og Helga Haraldsdóttir frá Núpakoti og Guðný Valberg, Hanna Lára Andrews, Ólafur Pálsson og Páll Eggert Ólafsson frá Þorvaldseyri. Ómar Óskarsson

Tengdar fréttir

Eldgos í Eyjafjallajökli

Tíu ár frá því gos hófst í Eyjafjallajökli

• Öskuský tíðari en áður var talið
• Samráð við heimamenn nauðsynlegt
• Fimm ár frá eldgosunum
• Gjörbreytt sýn á jökulinn

» Fleiri tengdar fréttir

• 1 blogg um fréttina

Bloggað um fréttina

• Axel Jóhann Axelsson: Skelfilegar afleiðingar eldgossins