„Skyggnið er einn metri“
Setja bókamerki
„Skyggnið er einn metri. Ástandið er mjög slæmt,“ segir Magnús Ragnarsson lögreglumaður á Hvolsvelli, en gífurlegt öskufall er núna undir Eyjafjöllum. Ekki er hægt að hleypa umferð á veginn yfir Markarfljót þó að hann sé tilbúinn.
Spáð er norðaustanátt í dag og því má búast við að þetta ástand vari fram eftir degi.
Vegagerðin kláraði að gera við veginn yfir Markarfljót kl. 19 í gærkvöldi. Ákveðið var hins vegar að hleypa ekki umferð á veginn vegna óvissu um hvernig mál myndu þróast í nótt. Í morgun var vegurinn undir Eyjafjöllum ófær vegna öskufalls.
Flutningabílar hafa beðið eftir að komast yfir veginn, en þeir geta ekki farið yfir gömlu brúna yfir Markarfljót. Mjólkurbíll ætti að fara í dag og sækja mjólk til bænda. Ekki mun þó skapast neitt vandræðaástand þó að það dragist til morguns.
Ökumaður í símanum valdur að umferðarslysi
Flestir sem hvergi finnast koma frá Sómalíu
„Við höldum áfram þangað til við erum búin“
Ása Ellerup flutt út og ætlar að selja húsið
Gasmengun gæti borist yfir höfuðborgarsvæðið
Vegirnir voru eins og borðstofuborð