Fólk sem mætti á fund með viðbragðaaðilum að Heimalandi undir Eyjafjöllum í dag spurði mest um hættu af mengun af völdum ösku og mengun í vatni.

Um 70 manns voru á fundinum, en fjórir fundir verða í dag á Suðurlandi. Einnig verða fundir á morgun og miðvikudag með íbúum. Á fundi mættu fulltrúar frá almannavörnum, Rauða krossinum, Veðurstofu, ríkislögreglustjóra, sýslumanni, heilbrigðiseftirliti, sálfræðingur og fleiri.

Fólk var ánægt með fundinn og þær upplýsingar sem berast frá almannavörnum. Greinilegt var þó að fólk hefur áhyggjur af ástandinu. Fólk spurði um hættu á mengun og mælingar á mengun í ösku og vatni. Ennfremur var spurt hvenær megi hleypa dýrum út.

Öskumökkurinn frá gosinu byrjar austan við Ásólfsskála. Mökkurinn er ekki eins dökkur og hann hefur verið. Hann er grábrúnn á litinn. Mjög hvasst er á svæðinu.

Tengdar fréttir

Eldgos í Eyjafjallajökli

Tíu ár frá því gos hófst í Eyjafjallajökli

• Öskuský tíðari en áður var talið
• Samráð við heimamenn nauðsynlegt
• Fimm ár frá eldgosunum
• Gjörbreytt sýn á jökulinn

» Fleiri tengdar fréttir

• 1 blogg um fréttina

Bloggað um fréttina

• Haraldur Haraldsson: Spurðu um hættu á mengun/það brennur á fólki að vita!!!!