Flestir treysta fréttastofu RÚV

Fréttastofa Ríkisútvarpsins nýtur mests trausts meðal almennings samkvæmt könnun, sem fyrirtækið MMR gerði. Mbl.is nýtur mests trausts meðal netfréttamiðla og af dagblöðum segjast flestir treysta Morgunblaðinu.

Alls sögðust 78,5% aðspurðra bera mikið traust til fréttastofu RÚV, 51,7% sögðust  bera mikið traust til mbl.is, 46,4% sögðust bera mikið traust til Morgunblaðsins, 44% sögðust bera mikið traust til fréttastofu Stöðvar 2, 34,8% sögðust bera mikið traust til Fréttablaðsins, 29,6% til Vísis, 26,4% til Viðskiptablaðsins, 16,9% til Pressunnar, 13,6% til Eyjunnar, 10,2% til dv.is og 9,4% til DV.

Um var að ræða síma- og netkönnun. sem gerð var 8.-12. apríl 2010. Alls svöruðu 865 einstaklingar. 

Tilkynning MMR

• 1 blogg um fréttina

Bloggað um fréttina

• Gísli Foster Hjartarson: Ekkert skrytið við það